3 Noyabr 11:31
610

11:18

"Rövnəq Abdullayevə, AFFA İcraiyyə Komitəsinin üzvlərinə təşəkkür edirəm. Hər kəsin arzusu millidə oynamaq və məşqçinin də istəyi milliyə rəhbərlik etməkdir. Hamının gözü millidədir. Azarkeşlər daha yaxşı nəticə istəyir. Bu, mənim üçün böyük məsuliyyətdir. Bu, bir ayın, bir ilin işi deyil. Uzun bir proqramımızı olacaq. Pillə-pillə irəli getməliyik. Bir azərbaycanlı kimi futbolumuz üçün daha artığını etməyə çalışacağam. İşimiz çoxalır. Çalışacağıq ki, rəhbərliklə birgə vəzifəmizin öhdəsindən gələk. Yazıları oxyurdum. Etimadınıza görə də təşəkkür edirəm".

Teleqraf.com-un məlumatına görə, bunu jurnalistlərə açıqlamasında Azərbaycan milli komandasının yeni baş məşqçisi Qurban Qurbanov təyinatını şərh edərkən deyib.

45 yaşlı mütəxəssis bildirib ki, hələlik köməkçiləri barədə danışmaq tezdir: "İndi bu suala cavab verə bilməyəcəyəm. Hər şey mərhələli olacaq. Bir aya, ayyarıma qərar veriləcək".

Əsas məqsədin 2020-ci il Avropa Çempionatına vəsiqə qazanmaqdan ibarət olduğunu deyən Qurbanov "Millətlər Liqasında da oynamalıyıq. Bu, bizim üçün əlavə üstünlükdür. Futbolda hər şey mərhələ ilə olur. Əlimizdə şans varsa, bundan istifadə etməliyik. "Atletiko" "Qarabağ"dan güclüldür. Amma onlarla heç-heçə etdik. Və ya biz çempionatda xal itiririk", - deyə bildirib.

Yeni baş məşqçi müqavilə şərtləri barədə danışmaq istəməyib: "Biz bir-birimizə şərt qoymuruq. Buna ehtiyac yoxdur. Bir-birimizə inanaraq, bu yolu gedəcəyik".

***

Azərbaycan millisinin yeni baş məşqçisi müəyyənləşib. Bu posta Qurban Qurbanov təyin olunub.

Bu barədə qərar İcraiyyə Komitəsinin iclasında qəbul edilib. Toplantıdan sonra Bakı Olimpiya Stadionunda yeni məşqçi ictimaiyyətə təqdim edilib. Əvvəlcə AFFA prezidenti Rövnəq Abdullayev yeni təyinatla bağlı məlumat verib. Ardınca Qurban Qurbanova yığmanın forması hədiyyə edilib. Bundan sonra isə o, təyinatı ilə bağlı fikirlərini bildirib.

Yeni baş məşqçinin təqdimatındanolan videonu diqqətinizə çatdırırırıq...


Müəllif: Şəfiqə Nazimqızı