Xuraman Qasımovanın tələbəsinin növbəti uğuru

Londonda keçirilən "Golden Time Talent 2022" Beynəlxalq Opera ifaçılarının vokal müsabiqəsində azərbaycanlı vokal ifaçısı Urfan Cəfərov növbəti uğura imza atıb.

Teleqraf.com xəbər verir ki, Urfan Cəfərov dünyanın 18 ölkəsi arasında UNESCO-nun Prezidenti olmaqla, 53 unikal tərkibli münsiflər heyətinin rəyi ilə Qran-Pri qazanaraq “Qızıl səs” adına layiq görülüb.

U.Cəfərov bu il həmçinin Amerikanın Nyu-York şəhərində keçirilən "American Protege International Vocal Competition 2022" adlı opera ifaçılarının beynəlxalq vokal müsabiqəsində də 21 ölkə iştirakçısı arasında birinci olub.

Qeyd edək ki, Urfan Cəfərov Xalq artisti, dünyaşöhrətli opera müğənnisi Xuraman Qasımovanın tələbəsi olub və Üzeyir Hacıbəyli adına Bakı Musiqi Akademiyasının məzunudur.