Elmira Süleymanova dəfn olundu - Yeniləndi

Azərbaycanın ilk ombudsmanı Elmira Süleymanova dəfn olunub.

Teleqraf.com xəbər verir ki, mərhumə II Fəxri xiyabanda torpağa tapşırılıb.

***

15:06

Azərbaycanın ilk İnsan Hüquqları üzrə Müvəkkili (Ombudsman) Elmira Süleymanova II Fəxri xiyabanda dəfn olunacaq.

Teleqraf.com xəbər verir ki, o, aprelin 25-də 87 yaşında vəfat edib.

***

14:15

Azərbaycanın ilk İnsan Hüquqları üzrə müvəkkili (Ombudsman) Elmira Süleymanova vəfat edib.

Teleqraf.com xəbər verir ki, o, 87 yaşında dünyasını dəyişib.

Qeyd edək ki, Elmira Teymur qızı Süleymanova 17 iyul 1937-ci ildə Bakı şəhərində anadan olub. Kimya elmləri doktoru, (1980), professor (1981), Azərbaycan Respublikası Prezidentinin fərdi təqaüdçüsü olub. E.Süleymanova 2002-2019-cu illərdə Azərbaycanın İnsan Hüquqları üzrə müvəkkili (Ombudsman) vəzifəsini tutub.

O, Azərbaycan Prezidenti İlham Əliyevin Sərəncamı ilə İnsan hüquqlarının qorunması sahəsində xidmətlərinə görə "Şöhrət" və “Şərəf” ordeni ilə təltif edilib.