Çavuşoğlu: “Fətullahla bağlı B və C planını düşünmək istəmirik”

“Fətullahçı terror təşkilatının lideri Fətullah Gülənin ekstradisiyası ilə bağlı B və C planını düşünmək istəmirik. ABŞ nə vaxt istədisə, terrorçuları onlara verdik. ABŞ-dan Gülənin ektradisiyasını gözləyirik".

Teleqraf.com "Sabah" qəzetinə istinadən xəbər verir ki, bunu Türkiyənin xarici işlər naziri Mövlud Çavuşoğlu jurnalistin "ABŞ Güləni ekstradisiya etməsə, Türkiyənin B planı varmı?" sualına cavab verərəkən deyib.

Onun sözlərinə görə, Türkiyə lazımi bütün sübutları ABŞ-a göndərib və iki ölkə arasında bu məsələdə ektradisiya razılaşması var.

Türkiyənin bu günə qədər bu razılaşmaya riayət etdiyinə diqqət çəkən Çavuşoğlu bunları deyib: "Terror təşkilatının tərəfini saxlayan Avropa ölkələrinə söyləyirik ki, bunun sizə xeyri dəyməyəcək. Bu günə qədər ekstradisiya etdiyimiz bütün terrorçuları azad etdiniz. Həmin terrorçular bu gün Avropa terror aktları törədir".

Samir