ABŞ-ın Yəmənə cavabı ağır oldu

ABŞ ordusu Yəmən ərazisini atəşə tutub.

Teleqraf.com "Anadolu" agentliyinə istinadən xəbər verir ki, bununla bağlı ABŞ Müdafiə Nazirliyinin sözçüsü Piter Kuk məlumat verib.

Onun sözlərinə görə, atəş zamanı husilərə məxsus 3 hədəf məhv edilib. Kuk bildirib ki, hücum ABŞ prezidenti Barak Obamanın razılığı ilə həyata keçirilib.

Nazirliyin sözçüsü hücumun səbəblərini də açıqlayıb: "ABŞ-a məxsus gəmilər bu bölgədən tez-tez atəşə tutulur. Bu hadisələrə cavab olaraq, nazirlik belə bir addım atdı".

Qeyd edək ki, oktyabrın 11-də Yəmən sahillərində ABŞ hərbi gəmisinə doğru iki raket atılıb. Pentaqonun məlumatına görə, raketlər Yəməndə husilərin nəzarətindəki ərazilərdən atılıb

Samir