Kanadada terror aktı törədilən məsciddən İLK KADRLAR (YENİLƏNDİ)

Xəbər verdiyimiz kimi, naməlum şəxslər Kanadanın Kvebek şəhər məscidinə hücum edib.

Məlumatlara görə, hadisə zamanı ölənlərin sayı 6-ya çatıb. İnsident nəticəsində 8 nəfər xəstəxanaya yerləşdirilib.

Yerli mediada hadisə yerindən ilk kadrlar yayımlayıb. Həmin videonu təqdim edirik:

Saat 09:57

Kanadanın Kuebek şəhərindəki məscidlərdən birində terror aktı törədilib.

Teleqraf.com xarici mediaya istinadən xəbər verir ki, naməlum silahlılar namaz vaxtı insanlara atəş açıb. İlkin məlumatlara görə, hadisə zamanı 5 nəfər həlak olub, 4 nəfər yaralanıb.

Silahlıların 3 nəfər olduğu bildirilib. İnsidentlə əlaqədar 2 şübhəli saxlanılıb. Yerli medianın yaydığı xəbərdə hadisə zamanı məsciddə 100-ə yaxın şəxs olub.

Olaydan dərhal sonra “Twitter” üzərindən açıqlama verən Kanadanın baş naziri Castin Tryudo hadisəni terror aktı adlandırıb.

Samir