20 Aprel 2017 16:34
706
12 Punto 14 Punto 16 Punto 18 Punto

Dağlıq Qarabağ məsələsi ilə spekulyasiya edən fransalı siyasətçilər erməni əsilli Fransa seçicilərini cəlb etmək istəyirlər.

Teleqraf.com xəbər verir ki, bu barədə Trend-ə Fransa Senatının Xarici əlaqələr komitəsinin sədr müavini Natali Qule deyib.

Azərbaycanın ərazi bütövlüyü əleyhinə çıxış edən Fransa prezidentliyə namizədlər Fransua Fiyon və Marin Le Penin qalmaqallı müsahibələrini şərh edən N.Qule bildirib: "Mənim sizə məsləhətim: Fransada təşviqat aparan siyasətçilərə etibar etməyin".

Onun sözlərinə görə, əhalinin məşğulluq, iqtisadiyyat, təhlükəsizlik kimi böyük problemləri olduğu Fransada Dağlıq Qarabağ münaqişəsi haqqında az adam məlumatlıdır:

"Buna görə də bəzi prezidentliyə namizədlərin bəyanatlarını ciddi qəbul etmək lazım deyil. Fransanın növbəti prezidentini gözləyin və Azərbaycanın ərazi bütövlüyünü dəstəkləyən Fransadakı dostlarınıza etibar edin. Bir sözlə, təmkinli olun və seçkilərin nəticələrini gözləyin".


Müəllif: