O anbar İŞİD-dən alındı

Suriyada xüsusi əhəmiyyət daşıyan Tabka anbarı İŞİD-dən alınıb.

Teleqraf.com xəbər verir ki, bu açıqlama ilə ABŞ Prezidenti Donald Trampın İŞİD-ə qarşı beynəlxalq koalisiyadakı xüsusi nümayəndəsi Brett Mak Qerk çıxış edib. O, xəbəri sosial mediada yayıb.

Brett Mak Qerk bildirib ki, anbarla birlikdə şəhərin mərkəzi də İŞİD qüvvələrindən təmizlənib.

Bununla da ABŞ-ın rəhbərliyi ilə koalisiya güclərinin havadan verdiyi dəstək və PKK-nın Suriya qolu olan YPG-nin onurğası sayılan SDG-nin 50 gündür ki, davam etdirdiyi Tabka əməliyyatı başa çatıb.

Brett Mak Qerk bəyan edib ki, artıq şəhər Suriya Ərəb Koalisiyası tərəfindən idarə olunan DSG-nın idarəçiliyinə keçib.

Cavad