Poroşenko fərman verdi: bu sosial şəbəkələr yasaqlandı

Ukrayna Prezidenti Petro Poroşenko Rusiyaya qarşı sanksiyaların genişləndirilməsi barədə fərman imzalayıb.

Teleqraf.com xəbər verir ki, fərmanla “VKontakte” və “Odnoklassniki” kimi sosial şəbəkələr də sanksiyaların təsiri altına düşüb.

“İnternet-provayderlərə Mail.ru internet resursunun və “VKontakte”, “Odnoklassniki” sosial şəbəkələrinin istifadəçilərinə xidmət göstərmək qadağan edilsin”, - deyə prezidentin imzaladığı sənəddə bildirilib.

Həmçinin, Yandeks və onun serveri də sanksiyalara məruz qalıb. Ümumilikdə isə Kiyevin sanksiya siyahısına 1228 fiziki şəxs daxildir. Bura Rusiya Dövlət Dumasının deputatları, jurnalistlər, Konstitusiya Məhkəməsinin hakimləri və sair şəxslər aid edilib.

Səxavət