4 İyun 2017 19:26
1 878

"FETÖ işi" çərçivəsində şifrəsi açılan "BayLok" yazışmalarının ilginc məqamları ortaya çıxıb.

Teleqraf.com "Anadolu" agentliyinə istinadən xəbər verir ki, plana əsasən, Fətullah Gülən 15 iyun qiyam gecəsi şəxsən Türkiyəyə gəlmək istəyib, amma səhhəti buna imkan verməyib.

Çevriliş cəhdindən 6 ay öncə aparılan yazışmalarda Gülənin Türkiyəyə gəlmək planı müzakirə olunub.

"Saliha86" ləqəbli şəbəkə üzvünün yazdığına görə, Gülən AKP-nin hakimiyyətdən getməsi üçün supergüclərin razılıq verdiyini bildirib.

"Cümə günü xoca söhbət əsnasında hönkür-hönkür ağladı. "Hamınız birləşin, bu yoldan dönsək, fahişəyik", dedi. Bütün düşərgə ağladı. "ABŞ, Rusiya və digər ölkələr Ərdoğanın getməsini istəyirlər", - dedi xoca".

Yazışmalarda şəbəkənin Afrikadakı üzvü Fətullah Gülənin adından "inqilab günü şəxsən Türkiyəyə gəlmək istəyirəm. Türkiyəyə gəlmək 10 saat vaxt aparacaq. Amma səhhətim buna imkan verməyə bilər", - deyə bildirib.


Müəllif: Ruslan Xəlil
Загрузка...