Dünyanın ən qoca prezidenti: “...həkimlər çaşdılar”

Dünyanın ən qoca prezidenti olan Zimbabve dövlət başçısı Robert Muqabe açıqlaması ilə diqqət çəkib.

Teleqraf.com xəbər verir ki, Muqabe səhhətilə bağlı dolaşan söz-söhbətlərə münasibət bildirib.

“Ölmürəm. Bu günə qədər yaşadığım üçün Allaha şükr edirəm. Ürəyim və qaraciyərlərim çox sağlamdır. Həkimlər sümüklərimin möhkəmliyinə baxanda çaşdılar”.

Xatırladaq ki, 1924-cü ildə doğulan Robert Muqabe 1987-ci ildən bu yana Zimbabve prezidentidir.

Son dövrlər bəzi ciddi xəstəliklərdən əziyyət çəkdiyi haqda xəbərlər dolaşsa da, prezident tam sağlam olduğunu deyib.

O, həmçinin bir müddət əvvəl 2018-ci ildə keçiriləcək prezident seçkilərində namizəd olacağını söyləyib.