Tramp Putinlə danışmaq istəmir

ABŞ prezidenti Donald Tramp yaxın vaxtlarda rusiyalı həmkarı Vladimir Putinlə telefon danışığı aparmayacaq. Onun, ümumiyyətlə, Outinlə danışmaq həvəsində olmadığı bildirilir.

Teleqraf.com xarici KİV-ə istinadən xəbər verir ki, bu barədə Ağ Evin adının açıqlanmasını istəməyən nümayəndəsi bildirib.

Qeyd edək ki, D.Tramp avqustun 2-də Rusiyaya qarşı yeni sanksiya qanununu təsdiqləyib. Qanun sanksiyaların ləğvinə dair prezidentin səlahiyyətlərini məhdudlaşdırır və bu məsələlərdə yekun qərarı Konqresə həvalə edir. Tramp qanunu sərt tənqid etsə də, Amerika xalqının maraqları naminə onu imzaladığını bildirib.