Əri kraliça ilə yanaşı dəfn edilməyi rədd etdi

Danimarka kraliçası Marqretanın həyat yoldaşı şahzadə Henrik hamını təəccübləndirəcək qərar verib. Şahzadə həyat yoldaşı olan kraliça Marqreta ilə eyni yerdə dəfn edilməkdən imtina edib. Çünki bu ana qədər ona kral adı verilməyib.

Teleqraf.com xəbər verir ki, Danimarka Kral Sarayı şahzadə Henrikin belə qərar verməsini təsdiq edib.

Danimarka kraliçası Marqreta ilə 50 ildir evli olan şahzadə Henrik özünə şahzadə yerinə kral adı verilməməsindən giley-güzarını uzun illər müxtəlif formalarda dilə gətirib.

Danimarka kraliçası 77 yaşlı Marqreta həyat yoldaşı şahzadə Henrikin qərarını anlayışla qarşıldağını ifadə edib.