"Xalq acından ölür, ölkə dağılır" - Trampdan şok ittiham

Venesuela xalqı acından ölür, ölkə isə dağılır. Bu ölkədə demokratiyanı bərpa etmək lazımdır.

Teleqraf.com TASS-a istinadən xəbər verir ki, bunu BMT Baş Assambleyasının toplantısında ABŞ Prezidenti Donald Tramp deyib.

"Sovet İttifaqından başlamış Kuba və Venesuelaya qədər harada sosializm və ya kommunizm quruldusa, bu, həmin ölkələrə əziyyət, bədbəxtlik və səfalət gətirdi. Venesualada xalq acdır, ölkə isə dağılır. Nikolas Maduronun korrupsiyaya qurşanmış hakimiyyəti çiçəklənən ölkəni məhv etdi. Biz Venesuelada demokratiyanın bərpasına çağırırıq. Xalq azadlığı, və demokratiyanı özünə qaytarmalıdır", - Tramp deyib.