Rza Zərrabdan Baxçalıya qarşı ŞOK İDDİA - 100 min TƏZMİNAT

Azərbaycan əsilli iş adamı Rza Zərrab MHP başqanı Dövlət Baxçalını məhkəməyə verib.

Teleqraf.com xəbər verir ki, 17 dekabrda hakimiyyətə güc nümayişi məqsədilə həyata keçirilən "Böyük rüşvət əməliyyatı" zamanı həbs edilən əslən azərbaycanlı Rza Zərrab Cumhuriyyət və Xalq Partiyasının (CHP) lideri Kamal Kılışdaroğlundan sonra MHP başqanını da məhkəməyə verib.

Buna səbəb isə Baxçalının seçkilərdən öncə keçirdiyi mitinqdə Rza Zərrəbı "şarlatan" adlandırmağı olub. Təhqir olduğunu deyən Rza Zərrab 100 min TL təzminat tələbi ilə Baxçalını məhkəməyə verib.

Qeyd edək ki, Dövlət Baxçalının "İrandan bir şarlatan (saxtakar) gəlib. Nə olduğu bəlli deyil. Bu İrandan gələn saxtakar 4 naziriN uşaqlarını da özünə qatıb və nazirləri də rüşvətə öyrəşdirib. Türkiyəni soyub durur" sözləri məhkəməyə fakt kimi təqdim edilib.

Milliyətçi Hərəkət Partiyasının sədri (MHP) Dövlət Baxçalı Rza Zərrabın məhkəmə iddiasına heç bir reaksiya verməyib.

Dəniz Əliyeva