Rusiya səfiri XİN-ə çağırıldı

Rusiyanın Böyük Britaniyadakı səfiri Aleksandr Yakovenko Xarici İşlər Nazirliyinə çağırılıb.

Teleqraf.com "RİA.ru"ya istinadən xəbər verir ki, xarici işlər naziri Boris Conson Suriyada atəşkəsin elan olunması ilə bağlı rus səfiri nazirliyə dəvət edib.

BMT Təhlükəsizlik Şurasının 2401 saylı qətnaməsi səfirə təqdim olunub. Səfir öz növbəsində ölkəsinin Şərqi Qutada yaşayan mülki şəxslərə dəhliz açdığını nazirin diqqətinə çatdırıb.

Qeyd edək ki, BMT Təhlükəsizlik Şurası fevralın 24-də Suriyada, xüsusilə də, Şərqi Qutada yaşayan insanlara gərəkən yardımların edilməsi üçün 30 günlük atəşkəsin elan edilməsi barədə qərar qəbul edib.