ABŞ Rusiyanı təhdid etdi: İrana görə

ABŞ BMT Təhlükəsizlik Şurasında İranla bağlı layihəyə veto qoyan Rusiyanı təhdid edib.

Teleqraf.com xarici mediaya istinadla xəbər verir ki, bu barədə ABŞ-ın BMT-dəki daimi nümayəndəsi Nikki Heyli danışıb:

“Rusiya İranın əməllərini gizlətməkdə davam edərsə, ABŞ və müttəfiqləri Moskvanın əngəl törədə bilməyəcəyi tədbirlərə əl atacaq”.

Qeyd edək ki, BMT Təhlükəsizlik Şurasında İngiltərənin hazırladığı və ABŞ-ın dəstək verdiyi layihədə Yəməndə husilərə raket və silah satışı qadağasını pozmaqda ittiham olunan İranın qınanması tələb edilib.

Layihəyə Rusiya veto qoyub. Çin və Qazaxıstan isə səsvermə hüququndan istifadə etməyib.