Qadın prezident elə şeyə görə istefa verdi ki...

Şərqi Afrikanın ada dövləti olan Mavrikinin prezidendi Amina Qurib-Fakim istefa verib.

Teleqraf.com xəbər verir ki, buna səbəb qadın dövlət başçısının xarici bank olmayan təşkilatdan aldığı krediti şəxsi məqsədləri üçün istifadə etməsi göstərilir.

Qeyd edilir ki, təşkilatın rəhbərinin Mavrikidə biznes maraqları olub və onun barəsində Portuqaliyada fırıldaqçılıq ittihamı ilə iş açılıb.

Qurib-Fakim etiraf edib ki, aldığı kredit kartından düzgün istifadə etməyib. O kartdakı məbləğdən cib xərcliyi üçün istifadə etdiyini və sonra 27 min dolları geri qaytardığını bildirib.
Siyasətçi əvvəlcə yalançı ittihamların qurbanı olduğunu, istefa vermək istəmədiyini bəyan etsə də, sonda belə bir addım atmalı olub.

Qurib-Fakim 2015-ci ildə prezident olub və hazırda Afrikada yeganə qadın dövlət başçısıdır.