Prezident Santos: “Amansız olacağıq”

Kolumbiya Prezidenti Xuan Manuel Santos Venesuela hökumətinə xəbərdarlıq edib.

Teleqraf.com xəbər verir ki, Prezident Santos Venesuela hökumətinin sadəcə Kolumbiyaya deyil, bütövlükdə bölgəyə zərər verdiyini bildirib.

Prezident deyib ki, Venesuela hökumətinə qarşı sərt olacaq:

“Venesuelada siyasi və iqtisadi böhranın ən çox təsir etdiyi ölkə Kolumbiya olub. Biz Venesueladan qaçqın düşən insanlara qarşı hər zaman açıq və mərd davrandıq, belə də davam edəcəyik. Fəqət təkcə Kolumbiyaya deyil, bütövlükdə regiona zərər verən Venesuelanın zalım hökumətinə qarşı da amansız olacağıq”.