13 İyun 2018 15:58
1 058
12 Punto 14 Punto 16 Punto 18 Punto

Yunanıstanla 6 aydır davam edən danışıqlardan sonra Makedoniyanın Baş naziri Zoran Zayev ölkəsinin adının dəyişdirilməsinə razılıq verib.

Teleqraf.com xarici KİV-ə istinadla xəbər verir ki, ölkənin adı bundan sonra Şimali Makedoniya Respublikası (Republika Severna Makedonija) adlandırılacaq.

Bundan sonra Yunanıstanın Baş naziri Aleksis Çipras Makedoniyanın Avropa İttifaqı və NATO-ya üzvlüyünə əngəl olan vetonu geri götürəcəyini açıqlayıb. Tərəflər arasında anlaşma iyunun 16-da imzalanacaq.

Anlaşmaya əsasən, ölkənin adının dəyişdirilməsi ilə yanaşı, Makedoniya Konstitusiyasında Yunanıstan əleyhinə olan maddələr çıxarılacaq.

NATO-nun Baş katibi Yens Stoltenberq Yunanıstan və Makedoniya arasında ad probleminin həll edilməsinin tarixi hadisə olduğunu bildirib.

O, bununla Makedoniyanın NATO-ya yolunun açıldığını da qeyd edib.


Müəllif: Mənsur Rəğbətoğlu