Rusiya Ermənistana qoşun yeridir – Putin Paşinyana ultimatum verdi

Rusiya Prezidenti Vladimir Putin Ermənistanın Baş naziri Nikol Paşinyana zəng edib.

Teleqraf.com xəbər verir ki, bu barədə Kemlin mətbuat xidməti məlumat yayıb.

Telefon görüşündə Ermənistanın Avrasiya İttifaqına üzvlüyü və ikitərəfli münasibətlər müzakirə edilib. Lakin görüşdə müzakirə edilmiş məsələlərə dair əlavə məlumat verilməyib.

Diplomatik mənbələrə istinad edən “Plast” qəzeti görüş barədə sensasiyalı iddia irəli sürüb.

Ermənistanda nəşr olunan qəzet Putinin gözlənilməz zənginin Rusiyanın Gümrüdəki hərbi bazaları və Ermənistan ərazisindəki qoşunları ilə bağlı olduğunu bildirib.

Mənbə qeyd edir ki, Putin Paşinyandan rus qoşunlarının Ermənistandan çıxarılması və bazaların vergiyə cəlb edilməsi ilə bağlı müzakirələrə son qoymağı tələb edib. Üstəgəl, yaxın gələcəkdə Ermənistandakı Rusiya hərbi qüvvələrinin sayının artırılacağı ilə bağlı xəbərdarlıq edib.