Ukraynada Su-27 düşdü: Amerikalı pilot öldü

Ukraynanın Vinnisk vilayətində təlim uçuşu zamanı Su-27 qırıcısı qəzaya uğrayıb.

Teleqraf.com tass.ru-ya istinadla xəbər verir ki, bu barədə Ukrayna Müdafiə Nazirliyi məlumat yayıb.

Qırıcının yerli vaxtla 17:00 radələrində Ulyanov rayonunda Berdiçev və Xmelnik yaşayış sahələri arasında yerə çırpıldığı bildirilir.

“112 Ukraina” telekanalı təyarənin hər iki pilotunun öldüyü barədə xəbər yayıb.

"Sputnik"in məlumatına görə, qəza Ukrayna və ABŞ qırıcılarının manevr uçuşları zamanı baş verib. Hadisə nəticəsində bir amerikalı və bir ukraynalı pilot həlak olub.