NATO-dan Avropaya Türkiyə mesajı

"Türkiyə kimi ölkələr olmadan Avropanın təhlükəsizliyini təmin etmək mümkün deyil".

Teleqraf.com xəbər verir ki, bunu NATO-nun baş katibi Jeans Stoltenberq Berlində Almaniya Atlantik Cəmiyyətinin toplantıısndakı çıxışı zamanı bildirib.

Onun sözlərinə görə, Aİ üzvü olmayan ölkələr Avropanın təhlükəsizliyində önəmli rol oynayır.

Türkiyənin İraq və Suriyanın təhlükəsizliyində yaxından iştirak etdiyini qeyd edən baş katib əlavə edib ki, Avropanın sabitliyini terrorla mücadilədə mühüm gücə sahib olan Türkiyə kimi ölkələr olmadan təmin etmək mümkün deyil.