Məşhur aktyor ikinci dəfə ata oldu

Rusiyanın xalq artisti, aktyor Sergey Bezrukovun oğlu dünyaya gəlib.

Teleqraf.com xəbər verir ki, o bu xəbəri İnstaqram sosial şəbəkəsində izləyiciləri ilə bölüşüb.

Aktyor doğum evindən fotoşəkil paylaşıb və həyat yoldaşına təşəkkür edib.

“OĞUL! Mən yenə sevincliyəm. Anyoçka, sevimlim mənim, əzizim mənim! Sənə minnətdaram!”, – o qeyd edib.

Sosil şəbəkə istifadəçiləri fotonun altında çoxlu şərhlər yazıb və aktyora xoşbəxtlik arzulayıblar.

Qeyd edək ki, S.Bezrukov və Anna Matison 2016-cı ildə nikaha daxil olublar. Bir neçə ay sonra onların qızı Mariya dünyaya gəlib.

Oktyabrın 18-də aktyor 45 yaşını qeyd edib. Artistin yubileyini Moskva meri Sergey Sobyanin də təbrik edib.