Amerika telekanalı Trampa 15 milyon dollar ödəyəcək

"ABC News" telekanalı yeni seçilmiş prezident Donald Trampa şərəf və ləyaqətin qorunması ilə bağlı işin məhkəməyədək həll edilməsi üçün 15 milyon dollar ödəyəcək.

Teleqraf.com xəbər verir ki, bu barədə Florida ştatının Cənub Dairəsi Məhkəməsinin dərc olunmuş sənədlərində deyilir.

Son razılaşmalara görə, kanal prezidentlik fondu və muzeyi adlanan quruma 15 milyon dollar xeyriyyə yardımı ödəyəcək, həmçinin Trampın 1 milyon dollarlıq hüquqi xərclərini də qarşılayacaq.