Aşkelona raket zərbəsi endirildi

İsrailin Aşkelon şəhərinin sakinləri bu səhəri partlayış və sirena səsi ilə açıb. Qəzza zolağından Aşkelona atılmış raket yaşayış evlərindən birinə düşüb.

Nəticədə 3-ü azyaşlı uşaq olmaqla, 6 nəfər yaralanıb. Daha 12 nəfərin isə şok vəziyyətinə düşərək xəstəxanaya yerləşdirildiyi bildirilir.

Daha bir raket isə şəhər ətrafına düşərək partlayıb. İsrail kütləvi-informasiya vasitələrinin məlumatına görə, bir qədər əvvəl Quş-Dana şəhərində də sirena səsi eşidilib.

Məlumata görə, İsrailin "Dəmir Günbəz" raket-əleyhinə müdafiə sistemi paytaxt Tel-Əviv səması üzərində raket vurub.

/anspress/