Hindistan Pakistandakı səfirini geri çağırdı

Hindistan Xarici İşlər Nazirliyi ölkənin Pakistandakı səfirini müvəqqəti geri çağırıb.

Teleqraf.com xəbər verir ki, qərar ötən gün Cammu və Kəşmirdə baş vermiş terror aktı ilə əlaqədardır.

Qeyd olunur ki, səfir məsləhətləşmələr üçün qeyri-müəyyən müddətə geri çağırılıb.

Xatırladaq ki, ötən gün Kəşmirdə polis qüvvələrinin konvoyu yolda olarkən törədilmiş partlayış nəticəsində 45 nəfər həlak olub.