Gürcü deputatlar əlbəyaxa oldu - Video

Gürcüstan parlamentində deputatların mübahisəsi əlbəyaxa dava ilə bitib.

“Sputnik-Gürcüstan”ın məlumatına görə, hakim partiyanın nümayəndəsi İrakli Beraya və müxalifətçi Otar Kaxidze arasında mübahisə yaranıb.

Berayanın Kaxidzeyə məhz nə söyləməsi barədə məlumat verilməsə də, yayılan görüntülərdən məlum olur ki, Kaxidze həmkarının dediklərinə qəzəblənərək ayağa qalxıb.

Parlamentin digər deputatları dava edən siyasətçiləri ayırmağa çalışıblar.