İranda şok olay: Selə görə tovuzquşu yandırıldı

İranda sel fəlakəti nəticəsində 23 nəfərin öldüyü Şiraz şəhərində tovuzquşu heykəlinə naməlum şəxslər tərəfindən atəş açılıb.

Teleqraf.com xəbər verir ki, Quran qapısı məhəlləsindəki tovuzquşu heykəlinin uğursuzluq gətirdiyi və selə səbəb olduğu barədə yayılan xəbərlərdən sonra heykələ gecə yarısı atəş açılıb. Daha sonra hücum edənlər heykəli yandırıblar.

Əhali Novruzda yenilənən tovuzquşu heykəlinə Şiraz bələdiyyəsi tərəfindən lazımi diqqət göstərilmədiyini irad bildirmişdi.

İranda sel fəlakəti zamanı 70 nəfər həlak olub, 768 nəfər yaralanıb.