12 Sentyabr 2014 14:39
522

ABŞ Senatının Xarici Əlaqələr Komitəsində ABŞ-ın Azərbaycandakı yeni səfiri postuna namizəd Robert Cekuta ilə bağlı dinləmələr keçiriləcək.

Teleqraf.com-un “Amerikanın səsinə” istinadən verdiyi xəbərə görə, dinləmələr sentyabrın 17-də yerli vaxtı ilə saat 10:00-da başlayacaq.

Azərbaycana səfir postuna namizədlə yanaşı, dinləmələr ABŞ-ın Ermənistan, Makedoniya və Montenoqradakı yeni səfiri postuna namizədlərlə bağlı müzakirələri də əhatə edəcək.

Prezident Barak Obama ABŞ-ın Azərbaycandakı yeni səfiri postuna hazırda dövlət katibinin enerji məsələləri üzrə köməkçisinin birinci müavini olan Robert Frensis Cekutanın namizədliyini irəli sürüb.

O, əvvəllər ABŞ-ın Əfqanıstan, Yaponiya və Almaniyadakı səfirliklərində müxtəlif vəzifələrdə çalışıb.

ABŞ-ın Azərbaycandakı səfiri Riçard Morninqstar səlahiyyət müddətini başa vurararaq ölkəsinə qayıdıb.

Samir


Müəllif:
Загрузка...