Türkiyə ilə Rusiya arasında yeni danışıqlar - Mixiyev açıqladı

Rusiya Türkiyə ilə yeni S-400 kontraktı imzalamaq istəyir.

Teleqraf.com xəbər verir ki, bu barədə “Rosoboronexport” dövlət şirkətinin rəhbəri Aleksandr Mixiyev deyib.

Onun sözlərinə görə, yeni seçim olaraq ikinci bir S-400 hava müdafiə sistemi sistemi övzusunda danışıqlar davam edir. O, əlavə edib ki, Türkiyə ilə texniki mövzularda anlaşma əldə edilib, maliyyə mövzularda isə bazarlaşma prosesi sürür.

Xatırladaq ki, 2017-ci ildə Ankara və Moskva arasında S-400 komplekslərinə dair razılaşma əldə edilib. Türkiyə Rusiyadan 2,5 milyard dollar qarşılığında 2 ədəd S-400 kompleksləri alıb.