Turist gəmisində gözlənilməz yanğın

Nil çayı boyunca səyahət edən "Grand Sun" turist gəmisində yanğın baş verib.

Teleqraf.com xəbər verir ki, bu barədə Misir Turizm və Abidələrlə İşlər üzrə Nazirliyi məlumat yayıb.

Yanğın nəticəsində xəsarət alanların olmadığı bildirilir. Yanğın mülki xilasetmə xidmətləri tərəfindən söndürülüb.

Gəminin bütün sərnişinləri təxliyə edilib və başqa bir kruiz gəmisinə yerləşdirilib.