Liviya savaşı: Putin, yoxsa Ərdoğan? – Bölgədə yeni sitasiya

“Rusiya Türkiyənin yardımı ilə Liviyada atəşkəsə nail olmağı bacardı. Əlbəttə, bu, Rusiya üçün diplomatik qələbədir. Üstəlik, əvvəllər təmasdan qaçan müharibə edən tərəflər arasında danışıqlar təşkil edə bildilər. Beləliklə, Vladimir Putin yeni böyük geosiyasi meydanda oyunu davam etdirə biləcəyini göstərir”.

Teleqraf.com xəbər verir ki, bu barədə “France 24”-ün yayımladığı analitik materialda bildirilib.

Məlumatda qeyd edilib ki, Liviya münaqişəsi Rusiya və Türkiyə prezidentlərinin birlikdə həll etdiyi ilk münaqişə deyil:

“Beləliklə, onlar Suriyada öz rollarını oynadılar və Liviyada da ssenarini təkrarlamaq istəyirlər. Moskvada döyüşən tərəfləri razılığa gətirə bilməmələrinə, general Haftarın müqaviləni imzalamaqdan imtina etməsinə baxmayaraq, Rusiya müdafiə naziri prinsip etibarilə razılaşmanın əldə edildiyini açıqlayıb. Döyüşən tərəflərin liderlərini bir araya gətirə bilmək də bir nailiyyətdir. Əvvəllər heç kim buna nail ola bilməmişdi”.

Məqalə müəllifi Rusiya və Türkiyənin bölgədə iqtisadi maraqlarının olduğunu yazır: “Beləliklə, Türkiyə neft kəşfləri ilə məşğuldur, Rusiya isə Liviyaya buğda və silah satacağına ümid edir. Bundan əlavə, 2018-ci ildə siyasətçilər vətəndaş müharibəsi səbəbindən dayandırılmış, 2.5 milyard avro dəyərində olan bir dəmir yolu tikintisi layihəsi haqqında danışdılar”.

Qeyd edilib ki, Suriyadakı uğurlardan sonra Moskva Yaxın Şərqdəki nüfuzunu xeyli artırıb.