15 İyul 08:19
773

Türkiyə Prezidenti Rəcəb Tayyb Ərdoğanla ABŞ dövlət başçısı Donald Tramp arasında telefon danışığı olub.

Teleqraf.com xəbər verir ki, bu barədə Türkiyə Prezidenti Administrasiyasının İctimaiyyətlə Əlaqələr İdarəsi bildirib.

Məlumata görə, tərəflər ikitərəfli əlaqələri müzakirə ediblər. Telefon danışığında həmçinin regionda baş verən hadisələr, Liviya böhranı müzakirə edilib.

Dövlət başçıları Liviyada möhkəm sabitliyin qurulması üçün müttəfiqlər kimi sıx əməkdaşlığı həyata keçirməyə razılaşdırıblar.

Liderlər qarşılıqlı əmtəə dövriyyəsinin həcmini 100 milyard ABŞ dollarına çatdırmaq zərurəti barədə fikir mübadiləsi aparıblar.


Müəllif: Teleqraf.com