AKP-dən “Ərdoğanı devirmək istəyən” siyasətçiyə sərt cavab: “Sən kimsən?”

“Bir ölkənin dövlət başçısı olmaq iddiasında olan bir insanın bu sözləri dilinə gətirməsi siyasi əxlaqa uyğun gəlmir”.

Teleqraf.com xəbər verir ki, bunu ABŞ prezidentliyinə namizəd Co Baydenin Prezident Rəcəb Tayyib Ərdoğan haqda səsləndirdiyi fikirlərə münasibət bildirən Türkiyənin hakim Ədalət və İnkişaf Partiyası (AKP) sədrinin köməkçisi Numan Kurtulmuş deyib.

O, Baydenin Türkiyədə hakimiyyət çevrilişi etmək istəyən Fəhullahçı Terror Təşkilatı (FETÖ) ilə eyni zehniyyətə malik olduğunu bildirib:

“Adam açıq şəkildə etiraf edir ki, 12 İyul qiyamına cəhd edənlərlə eyni sıradadır. Deyir ki, biz Ərdoğanı devirəcəyik, amma bunu demokratik yolla edəcəyik. Sən kimsən? Həddini aşma, unutma, sən sadəcə ABŞ-ın yarışan namizədlərindən birisən, prezident olsan da fərq etməz”.