Türkiyə 6 yunan qırıcısını geri oturtdu - Gərginlik pik həddə/Yeni

Türkiyə Aralıq dənizi üzərində Yunanıstan Hərbi Hava Qüvvələrinə məxsus altı F-16 qırıcısını ərazidən uzaqlaşdırıb.

Teleqraf.com xəbər verir ki, bu barədə Türkiyə Milli Müdafiə Nazirliyi məlumat yayıb.

"Avqustun 27-də Yunanıstana məxsus altı F-16 təyyarəsi Kritdən Kipr Respublikasına doğru yola çıxaraq, Türkiyənin beynəlxalq NAVTEX bildiriş verdiyi bölgəyə yaxınlaşıb. F-16 qırıcılarımız onların bu bölgəyə yaxınlaşmalarının qarşısını aldı" - deyə məlumatda bildirilir.

Müdafiə Nazirliyi əlavə edib ki, Türkiyə Silahlı Qüvvələri Şərqi Aralıq dənizində ölkənin hüquq və mənafelərini qorumağa davam edəcək.

23:05

Şərqi Aralıq dənizində Türkiyə ilə Yunanıstan arasında gərginlik pik həddə çatıb.

Teleqraf.com xəbər verir ki, Yunanıstana məxsus F-16 təyyarələri Türkiyə gəmisinə yaxınlaşıb.

Dərhal Türkiyənin hərbi təyyarələri havaya qaldırılıb, yunan F-16-larının qarşısını kəsib.