29 Avqust 2020 19:49
1 804

Birləşmiş Ərəb Əmirliyinin (BƏƏ) İsraillə imzaladığı razılaşma bu ölkənin İordaniya ilə münasibətlərini gərginləşdirib.

Teleqraf.com xəbər verir ki, İordaniya hakimiyyəti susmağa üstünlük versə də, saraya yaxın çevrələr və xalq BƏƏ-nin vəliəhd şahzadəsi Məhəmməd bin Ziaydı tənqid etməyə başlayıb.

BƏƏ-ni tənqid edən şəxslərdən biri də İordaniya kralının ögey qardaşı Şahzadə Əli bin Hüseyn olub.

Şahzadə Hüseyn sosial şəbəkədə “Əmirlik-İsrail razılaşması: İnkişaf və ya xəyanət” adlı ingilis dilində məqalə paylaşıb.

Paylaşım BƏƏ-ni narahat edib. Ərəb mediası iddia edib ki, bu paylaşımı silmək üçün BƏƏ İordaniyaya təzyiq göstərib. Şəxsən şahzadə Ziyad Kral Abdullahı telefonda təhdid edib. Bildirib ki, BƏƏ-də işləyən İordaniya vətəndaşlarının deportasiya edilməsindən tutmuş İordaniyadan səfirin geri çağırılmasına qədər addımlar atılacaq.

Bundan sonra İordaniya kralının qardaşı paylaşımı silib.


Müəllif: Cavad