29 Avqust 2020 15:53
921

Amansızlığı ilə tanınan Şimali Koreya lideri Kim Çen In ölkədə koronavirusun yayılmasının qarşısını almaq üçün dəhşətli bir qərar verib.

Teleqraf.com xəbər verir ki, Kim Çen In ölkə sərhədlərinə 1 kilometrdən çox yaxınlaşan hər kəsi vurmağı əmr edib.

Çin sərhədi yaxınlığında yaşayan bölgə sakinlərinin sözlərinə görə, Kim Çen Inın əmri koronavirus epidemiyası bitənə qədər qüvvədə olacaq.

Polis bölgə əhalisinə bildirib ki, koronavirus ölkəmizdən başqa dünyanın hər yerinə yayılıb: “Düşmən virusu sərhədimizdən keçirməyə çalışacaq”.

Şimali Koreya ötən aya qədər ölkədə koronavirus olmadığını iddia edirdi. Lakin keçən ay ölkəyə Cənubi Koreyadan gələn şəxsdə virus aşkarlanıb.


Müəllif: Yeganə Oqtayqızı