Erməni ordusunun yararsız silahları – Hayların “raket”ləri niyə partlamır?

“Hazırda Azərbaycan ordusunda 30, Ermənistanda isə 9 “Smerç” reaktiv yaylım atəşi sistemi (RYAS) var. Bunlar “Smerç 9A52”-lərdir”.

Teleqraf.com xəbər verir ki, bu barədə jurnalist Elçin Alıoğlu məlumat verib.

Onun sözlərinə görə, Rusiyanın “Motovilixinskie zavodı”nın istehsalı olan “Smerç 9A52” RYAS-a MAZ-543M şassisindəki 12 borulu atış maşını, 12 raketdən ibarət döyüş komplekti olan “MAZ-543A” şasisində “9T234-2” nəqliyyat-doldurma maşını və “KamAZ-4310” şassisində avtomatlaşdırılmış idarəetmə sistemli komanda maşını daxildir:

“Komanda maşını 6 reaktiv qurğudan ibarət batareyanı idarə edir.

Məhz mərmilərə - sosial şəbəkələrdə və ölkə mediasında “Smerç” RYAS-ın mərmilərini nədənsə inadla “raket” adlandırırlar ki, bu da kökündən yanlış məsələdir. 20 kilometrdən 90 kilometrədək məsafədə atış imkanı olan 300 mm çaplı “Smerç 9A52”in mərmilərindən düşmən bizə qarşı əsasən qəlpə-fuqas və ya kasset döyüş başlıqlı 9M542, yaxud da 9M528 qəlpə-fuqas başlıqlı mərmilərdən istifadə edir.

Mərminin ağırlığı 800 kq, uzunluğu 760 sm-dir. Mərminin 72 qəlpə-fuqas elementdən ibarət döyüş başlığının ağırlığı 280 kiloqramdır.

Belə mərminin düşəndən sonra partlamaması bir sıra səbəblərlə bağlıdır ki, onların arasında ən çox rast gəlinəni kasset döyüş başlığındakı elementlərin işə düşməməsidir”.

Elçin Alıoğlu qeyd edib ki, düşmənin şəhər və kəndlərimizə atdığı “Smerç” mərmilərinin tam əksəriyyəti istismar müddəti çoxdan bitmiş sursatlardır:

“Rusiyanın Müdafiə Nazirliyi anbarlarda sursat ehtiyatını təzələyəndə köhnə mərmiləri ucuz qiymətə “strateji müttəfiq”lərinə satır. Ermənistan da həmin mərmiləri “pay” olaraq aldığı üçün Rusiya haylara yararsız sursatları verib”.

Mənsur Rəğbətoğlu