İranda korona dəhşəti: Bir gündə 440 nəfər öldü

İranda son sutka ərzində yeni növ koronavirusdan 440 nəfər ölüb.

Teleqraf.com-un xəbərinə görə, bu barədə məlumatı İranın Səhiyyə Nazirliyi yayıb.

İndiyədək İranda koronavirusdan ölənlərin ümumi sayı 35 738 nəfərə çatıb.

Son sutka ərzində 8 288 yeni yoluxma qeydə alınmaqla bu ölkədə koronavirusa yoluxanların ümumi sayı 628 780 nəfərə çatıb, 491 247 nəfər isə xəstəlikdən sağalıb.

Qeyd edək ki, hazırda virus daşıyıcısı olanlardan 5 315 nəfərin vəziyyəti ağır və ya orta ağırdır.