Kürdlərə havadan silah yardımı edildi

ABŞ “İraq-Şam İslam Dövləti” (İŞİD) terror təşkilatına qarşı mübarizə aparan kürd qüvvələrinə havadan silah yardımı edib.

Teleqraf.com Türkiyə mediasına istinadən xəbər verir ki, bu barədə ABŞ Mərkəz Ordu Komandanlığı məlumat verib. Silahların Şimali İraq rəhbərliyinə aid olduğu bildirilib. Yayılan xəbərlərdə ABŞ hərbi qüvvələrinin axşam saatlarında Kobani bölgəsinə havadan silah yardımı həyata keçirdiyi ifadə edilib. Açıqlamada yardım əməliyyatının C-130 nəqliyyat təyyarəsi tərəfindən həyata keçirildiyi qeyd olunub.

Məlumatlarda həmçinin Kobaniyə son zamanlar 135 hava hücumu keçirildiyi, yüzlərlə İŞİD döyüşçüsünün öldürüldüyü deyilir.

Samir