Ərdoğan Putindən danışdı: “Onunla tanış olandan bəri...”

“Cənab Putin verdiyi sözün üstündə duran adamdır, onunla tanış olandan bəri dəyişməyib”.

Teleqraf.com xəbər verir ki, bunu Türkiyə Prezidenti Rəcəb Tayyib Ərdoğan rusiyalı həmkarı Vladimir Putin haqda danışarkən deyib.

“Cənab Putinin açıqlamaları özünü tam ifadə edən açıqlamalardır. Cənab Putinlə tanış olanda necə idisə, indi də elə də qalıb, dəyişməyib. Özü də birdir, sözü də - verdiyi sözün üstündə duran adamdır. Bundan sonra da münasibətlərimizi eyni şəkildə davam etdirəcəyik.

Bu münasibətlər hərbi, diplomatik, iqtisadi, mədəni sahələri əhatə edir. Ticarət həcminə baxanda da eyni əzmlə hədəflərimizə doğru addımlayırıq”, - Ərdoğan qeyd edib.