Bu ölkədə daxili işlər nazirinə sui-qəsd edildi - Video

Liviyanın paytaxtı Tripolidə ölkənin qanuni hökumətinin Daxili işlər naziri Fəthi Başaqa edilən sui-qəsdin görüntüləri ortaya çıxıb.

Teleqraf.com xatırladır ki, Milli Birlik Hökumətinin Daxili işlər naziri Başaqa şəhərin küçələrindən keçərək qaldığı evə gedərkən sui-qəsdə məruz qalıb.

Nazir evinə gedərkən şəxsiyyəti müəyyən olmayan silahlı şəxslərin hücumuna məruz qalıb, onun olduğu avtomobilə hücum edilib. Buna baxmayaraq o sui-qəsddən sağ çıxa bilib.

Sui-qəsd cəhdindən sonra silahlı qarşıdurma qeydə alınıb. Bu zaman nazirin mühafizəçilərindən biri yaralanıb. Hücum edənlərdən isə bir nəfər öldürülüb, iki nəfər əsir alınıb.