Bayden Putini və Si Tsinpini danışıqlara dəvət etdi

ABŞ prezidenti Co Bayden rusiyalı həmkarı Vladimir Putin və ÇXR-in sədri Si Tsinpini iqlim məsələləri ilə bağlı danışıqlarda iştirak etməyə dəvət edib.

Teleqraf.com xəbər verir ki, bu barədə “Associated Press” agentliyi adı açıqlanmayan rəsmi şəxsə istinadən məlumat yayıb.

Planlaşdırılan danışıqların təfərrüatları barədə hələlik açıqlama verilməyib. Rəsmi Ağ Ev bu məlumata hələ ki bir münasibət bildirməyib.