15 Aprel 00:37

Əfqanıstan prezidenti Məhəmməd Əşrəf Qani bildirib ki, ABŞ lideri Cozef Baydenlə zəngləşib, tərəflər ABŞ qoşunlarının sentyabrda ölkədən çıxarılmasını müzakirə ediblər.

Teleqraf.com xəbər verir ki, tərəflər ABŞ-ın sentyabrın əvvəlindən başlayaraq qoşunlarını Əfqanıstandan çıxarmaq qərarını müzakirə ediblər

"Biz əməkdaşlığımızın növbəti mərhələsinə keçid müddətində sülh səylərinin həyata keçirilməsini davam etmək üçün ABŞ-dan və NATO-dan olan partnyorlarımızla işləməyə davam edəcəyik", - Qani özünün tvitterdəki səhifəsində yazıb.

Qaninin sözlərinə görə, Əfqanıstanın təhlükəsizlik və müdafiə qüvvələri ölkəni və xalqı qorumağa tam ölçüdə qadirdir.


Müəllif: Teleqraf.com