15 Aprel 2021 13:44
1 183
12 Punto 14 Punto 16 Punto 18 Punto

Özbəkistan Prezidenti Şavkat Mirziyoyev səmərəsiz fəaliyyətinə görə bir neçə yüksək vəzifəli şəxsi vəzifəsindən azad edərək, maaşlarını geri qaytarmalarını tələb edib.

Teleqraf.com xəbər verir ki, bu barədə “Sputnik Özbəkistan” məlumat yayıb.

Məlumata görə, ixtisarlar gənclərin məşğulluğu ilə bağlı keçirilən iclasda baş verib. Xüsusilə, bir neçə rayonun prokurorları və Daxili İşlər Nazirliyinin rəisləri gənclər arasında cinayətkarlığın qarşısını almaq üçün tədbir görmədiklərinə görə vəzifələrini itiriblər. Vergi və ticarət orqanlarının rəhbər şəxslərindən də vəzifələrindən uzaqlaşdırılanlar var.

Mirziyoyev keçmiş rəhbərlərə vəzifələrində işlədikləri müddətdə aldıqları maaşları dövlətə qaytarmağı əmr edib.


Müəllif: Mənsur Rəğbətoğlu