Fələstin raketləri işə saldı – İsrail ordusundan əks-həmlə

İsrail ordusunun tankları ölkə ərazisinə partlayıcı maddələr və 4 raketin atılmasına cavab olaraq, HƏMAS-ın hədəflərinə hücum edib.

Teleqraf.com xəbər verir ki, bu barədə İsrail Silahlı Qüvvələri məlumat yayıb.

İsrail məhkəməsi bir neçə fələstinli ailənin Yerusəlimin Şeyx Cərrah məhəlləsindəki evlərindən çıxarılması qərarı verikdən sonra Fələstin Qəzzadan İsraili hədəfə alıb. Bu, tərəflər arasında qarşıdurmaya səbəb olub.

Bu gün səhər saatlarında İsrailin cənubunda “həyəcan siqnalları" verilib, ehtimal olunan raket hücumu barədə xəbərdarlıq edilib.

Qəzza zolağında olan fələstinli radikalların İsrailə daha üç raket atdığı bildirilib. Raketlərdən birinin “Dəmir Günbəz” hava hücumundan müdafiə sistemi tərəfindən zərərsizləşdirildiyi ehtimal olunur.