Ukraynada qadınlara qadağa - Gecə klubuna gedənlər həbs olunacaq

Ukraynanın şərqində separatçıların nəzarətində olan Luqanskda qadınların davranışı ilə bağlı sərt qadağalar tətbiq olunacaq. Belə ki, Donbasda bundan sonra kafe və gecə klublarına gedən qadınlar qeyd-şərtsiz həbs olunacaqlar.

Teleqraf.com “Rosbalt.ru”ya istinadən məlumatına görə, bu barədə “Novorassiya Xalq Məhkəməsi”nin briqada komandiri Aleksey Mozqov açıqlama verib. O, bütün kafe və gecə klublarının qadınlarla dolub-daşdığını bildirib:

“Patrullara göstəriş verilib. Kafedə və gecə klublarında görünən bütün qadınlar dərhal həbs ediləcəklər. Hamısı. Qadınlar, vicdanlı olun və ərlərinizə sadiq qalın. Evinizdə oturun və yeməyinizi bişirin”.

Aleksey Mozqovun bu bəyanatı alqışlarla qarşılanıb.