Yəməndə silsilə partlayışlar

Noyabrın 5-də Yəmənin paytaxtı Sana şəhərinin hava limanı yaxınlığında iki partlayış baş verib.

Teleqraf.com-un İTAR-TASS agentliyinə istinadən verdiyi məlumata görə, partlayışlar aeroportun girişindəki blokpostda törədilib.

Ölən və xəsarət alanlar barədə məlumat verilmir. Bu arada “Al Jazeera” telekanalı xəbər verib ki, Sana hava limanının uçuş xətti qumbaraatanlardan atəşə məruz qalıb. Hadisələrin bir-biri ilə əlaqəli olub-olmaması məlum deyil.