İranda işsizlər universitet məzunlarıdır - Statistika

İranda işsizlərin 40,3 faizini universitet məzunları təşkil edir.

Teleqraf.com xəbər verir ki, bu barədə “Mehr” agentliyi İran Statistika Mərkəzinə istinadən bildirir.

Statistikaya görə, işsizlərin 924 min 394-nü ali təhsili olan universitet məzunları təşkil edir.

Həmçinin universitet məzunu qadınlar arasında işsizlik faizi kişilərlə müqayisədə daha yüksəkdir. Belə ki, işsiz universitet məzunlarının 474 min 982 nəfərini qadınlar, 449 min 412 nəfərini kişilər təşkil edir.

83 milyon insanın yaşadığı İranda rəsmi olaraq 2 milyon 291 min 604 nəfər işsizdir.